Kalender
|
Cd frå Kvarts cd-produksjon: Til himmels med gangar og polsCD-en «Til himmels – med gangar og pols» er ein konsertversjon av folkemusikkprosjektet ved Ål kyrkje, og inneheld ei rekkje gamle og nykomponerte melodiar som ikkje før er gjeve ut. Innspelinga er lagt opp som ei gudsteneste med messeledd og musikkinnslag der det naturleg høyrer heime. På prekenplass finn me ein instrumental, og undervegs blir det spelt melodiar frå folkemusikkreportoaret.
Utgjevinga viser tonen, og spennet i det vàre og det storslagne i folkemusikken. Bukkehorn og lur, trekkspel, fele og kyrkjeorgel er balsam for sjela når det blir sett i lag, og musikken kan fløyme.
Med prosjektet «Folkemusikk og gudsteneste – tradisjonar og nyskaping» er det spent ei solid bru mellom folkemusikken og kyrkja. Kantor Audun Flaen og komponist Jo Asgeir Lie har heile tida vore sentrale personar i arbeidet, og dei har teke med seg eit velfungerande lag av musikarar til denne innspelinga. Dei aller fleste av musikarane har tilknytning til Ål, noko som viser kor rikt musikkmiljøet er i bygda. Musikarlista er lang, og med svært ulike instrument viser me kor breidt spekter ein kan spela på i folkemusikkgudstenestene. Ekte livsutfalding, og musikalsk variasjon er noko kyrkjelyden veit og setja pris på.
Medverkande: Audun Flaen Kyrkjeorgel og piano Margit Myhr Song, lyre og langeleik Audun Moen Song Per Oddvar Johansen Perkusjon Olav Luksengård Mjelva Fele og hardingfele Eilif Gundersen Seljefløyte, lur og bukkehorn Ragnhild Jepsen Liturg Ingunn Stræte Lie Trekkspel
Kor: Synne M. Fredriksen Sopran Ragnhild Jepsen Sopran Unn Perstølen Alt Heidi Langegard Alt Håkon Tveito Tenor Terje Nordal Tenor Bjarne Oleivsgard Bass Kristian Jepsen Bass
KVARTS: Jo Asgeir Lie Trekkspel Øystein O. Rudi Fele, hardingfele Tom Willy Rustad Bass Erlend Styve Akustisk gitar |
Developed by BeWide Technologies Published with WideCMS 4 |